Maharashtra Farmer Loan Waiver Scheme 30 June: नमस्कार शेतकरी बांधवांनो, राज्यातील थकबाकीदार आणि अडचणीत सापडलेल्या शेतकरी बांधवांसाठी आज अत्यंत आनंदाची आणि सर्वात मोठी बातमी समोर आली आहे. गेल्या अनेक दिवसांपासून ज्या कर्जमाफीची (Farmer Loan Waiver) प्रतीक्षा शेतकरी करत होते, त्याबाबत थेट राज्याचे मुख्यमंत्री देवेंद्र फडणवीस यांनी मोठी घोषणा करत कर्जमाफीची अंतिम तारीख जाहीर केली आहे.
पुण्यातील कार्यक्रमात मुख्यमंत्र्यांची मोठी घोषणा
काल पुण्यात आयोजित ‘पुणे ॲग्री हॅकॅथॉन २०२६’ च्या पारितोषिक वितरण आणि समारोप समारंभानंतर पत्रकारांशी बोलताना मुख्यमंत्री देवेंद्र फडणवीस यांनी कर्जमाफीबाबत अत्यंत महत्त्वाची माहिती दिली. काही महिन्यांपूर्वी शेतकरी नेते बच्चू कडू आणि इतर संघटनांनी कर्जमाफीसाठी मोठे आंदोलन केले होते. त्यावेळी सरकारने जून महिन्यात निर्णय घेण्याचे आश्वासन दिले होते. त्याच आश्वासनाची पूर्तता आता होताना दिसत आहे.
📝 ही माहिती सुद्धा पहा: Why Ladki Bahin Yojana money is not credited: लाडकी बहीण योजना: तुमचा हप्ता का रखडला? पैसे बंद होण्यामागची ‘ही’ आहेत ७ मुख्य कारणे; आज सोमवारपासून पुन्हा सुरू होणार वितरण!
३० जून पूर्वी होणार कर्जमाफी! Maharashtra Farmer Loan Waiver Scheme 30 June
कर्जमाफी कधी होणार? या प्रश्नाला उत्तर देताना मुख्यमंत्री फडणवीस म्हणाले, “कर्जमाफीच्या संदर्भात आमची प्रशासकीय तयारी आता अगदी अंतिम टप्प्यात आली आहे. या विषयावर कॅबिनेट मंत्रिमंडळाच्या बैठकीतही सविस्तर चर्चा झाली असून, काही विशिष्ट जिल्ह्यांची सविस्तर माहिती आम्ही मागवली आहे. ती माहिती हाती येताच ३० जून पूर्वी राज्यातील शेतकऱ्यांची कर्जमाफी केली जाईल.” Maharashtra Farmer Loan Waiver Scheme 30 June
📝 ही माहिती सुद्धा पहा: PM Kisan Yojana 23rd Installment Date Update: शेतकऱ्यांसाठी मोठी बातमी! पुढच्या महिन्यात खात्यात येणार पीएम किसानचे २००० रुपये? २३ व्या हप्त्याबाबत मोठी अपडेट समोर
“लवकरच ऐतिहासिक निर्णय” – कृषिमंत्री दत्तात्रय भरणे
या कार्यक्रमात बोलताना राज्याचे कृषिमंत्री दत्तात्रय भरणे यांनीही सरकारची भूमिका स्पष्ट केली. ते म्हणाले, “शेतकरी सुखी आणि समाधानी राहिला पाहिजे हीच मुख्यमंत्री आणि आमच्या सरकारची भूमिका आहे. Maharashtra Farmer Loan Waiver Scheme 30 June राज्य सरकारने यापूर्वीच शेतकऱ्यांना विजेमध्ये मोठी सवलत दिली असून, अडचणीच्या काळात जास्तीत जास्त मदत केली आहे. शेती क्षेत्रात AI (कृत्रिम बुद्धिमत्ता) चे धोरण स्वीकारणारे महाराष्ट्र हे देशातील पहिले राज्य ठरले आहे. खतांच्या पुरवठ्यात असणारी किरकोळ अडचणही लवकरच सोडवली जाईल आणि मुख्यमंत्री लवकरच कर्जमाफीचा ऐतिहासिक निर्णय घेतील.”
पावसाळ्याच्या तोंडावर आणि नवीन हंगामाच्या सुरुवातीलाच मुख्यमंत्र्यांनी ३० जून पूर्वी कर्जमाफी करण्याची घोषणा केल्यामुळे राज्यातील लाखो शेतकऱ्यांना मोठा दिलासा मिळाला आहे. यामुळे शेतकऱ्यांच्या डोक्यावरील कर्जाचा बोजा हलका होऊन त्यांना नवीन पिकांसाठी बँकांकडून ताजे कर्ज घेण्याचा मार्ग मोकळा होणार आहे. आता ३० जूनच्या आत शासन निर्णय (GR) निघून प्रत्यक्ष अंमलबजावणी कशी होते, याकडे संपूर्ण महाराष्ट्राचे लक्ष लागले आहे.
